16.01.2025 | 23:17
Առաջիկայում տեղի կունենա Վրաստանի, Ադրբեջանի և Թուրքիայի ԱԳ նախարարների հանդիպում
Մոսկվան և Բաքուն նախատեսում են մինչև տարեվերջ Ռեշտ-Աստարա երկաթգծի կառուցման պայմանագիր ստորագրել
Քաղաքականություն
16.11.2023 | 17:39
Ռուսաստանն ու Ադրբեջանը պետք է համաձայնագիր ստորագրեն Ռեշտ-Աստարա երկաթուղային հատվածի կառուցման վերաբերյալ մինչև 2023 թվականի վերջը։ Ադրբեջանական լրատվամիջոցների հաղորդմամբ՝ այս մասին հայտարարել է ՌԴ առաջին փոխվարչապետ Անդրեյ Բելոուսովը Մոսկվայում «Տրանսպորտային շաբաթ» ֆորումի լիագումար նիստում։
«Մինչև տարեվերջ Ադրբեջանի հետ մենք պետք է նման պայմանագիր կնքենք։ 2028 թվականից էլ այս երթուղին ամբողջությամբ կգործարկվի բեռնափոխադրումների լրացուցիչ ավելացմամբ, սկզբի համար՝ տարեկան 15 մլն տոննա բեռով։ Սրանք դեռ բավականին հավակնոտ ծրագրեր են, բայց դրանք իրականացվում են»,- ասել է Բելոուսովը՝ նշելով, որ քննարկվում է Հյուսիս-Հարավ տրանսպորտային միջանցքում եռակողմ միջազգային օպերատոր ստեղծելու գաղափարը։
Հավելենք, որ Ռեշտ-Աստարան Իրան-Ադրբեջան-ՌԴ-ի Հյուսիս-Հարավ ծրագրի մասն է։
Հիշեցնենք՝ այս տարվա մայիսի 17-ին Ռուսաստանի Դաշնության և Իրանի նախագահներ Վլադիմիր Պուտինն ու Էբրահիմ Ռաիսին տեսակապով մասնակցել էին Ռեշտ-Աստարա երկաթուղային հատվածի կառուցման մասին համաձայնագրի ստորագրման արարողությանը։ Փաստաթղթի համաձայն՝ Մոսկվան ու Թեհրանը համատեղ են ֆինանսավորելու նախագծման, շինարարության աշխատանքները, ինչպես նաև ապրանքների և ծառայությունների մատակարարումը։
Ուկրաինայում պատերազմի մեկնարկից ի վեր ՌԴ-ն մեծ ջանքեր գործադրում երկաթգծի կառուցումը կյանքի կոչելու համար։
Էմմա Չոբանյան
