10.04.2026 | 19:27
Պուտինի վարկանիշը ՌԴ-ում ամենացածրն է 2022 թվականի փետրվարից ի վեր
Իսրայելը հայտնում է, որ հարված է հասցրել ՀԱՄԱՍ-ի ղեկավարի նստավայրին
Քաղաքականություն
16.11.2023 | 15:51
Իսրայելի պաշտպանության բանակը հայտնում է, որ ցամաքային գործողության շրջանակում հարված է հասցվել ՀԱՄԱՍ խմբավորման քաղաքական բյուրոյի ղեկավար Իսմայիլ Հանիեի նստավայրին, որը գտնվում է Գազայի հատվածից դուրս, գրում է BBC-ի ռուսական ծառայությունը։
Իսրայելական կողմը նշում է, որ նստավայրն «օգտագործվել է որպես ահաբեկչական ենթակառուցվածք» և ՀԱՄԱՍ-ի բարձրաստիճան ղեկավարների հանդիպման վայր՝ քննարկելու «ահաբեկչական հարձակումները Իսրայելի քաղաքացիական անձանց և պաշտպանության բանակի զինվորների դեմ»:
Հայտարարության մեջ ասվում է, որ հարվածը հասցվել է գիշերը Իսրայելի ռազմաօդային ուժերի կողմից։
Բացի այդ, ալ-Շատի ճամբարի (Գազայի արևմտյան արվարձան) վրա հարձակման ժամանակ, իսրայելական զինվորականների պնդմամբ, հայտնաբերվել և ոչնչացվել է «ՀԱՄԱՍ-ի ռազմածովային ուժերի» զենքի պահոցը, որը պարունակում էր սուզման սարքավորումներ, պայթուցիկ սարքեր և զենքեր։ Հաղորդվում է նաև այլ հարվածների ու այլ տեղերում զենքի հայտնաբերման մասին։
Էմմա Չոբանյան
