19.01.2026 | 15:09
ԵՄ-ն պատասխան մաքսատուրքեր է պատրաստում ԱՄՆ-ի դեմ՝ Գրենլանդիայի պատճառով
Իրանն ունակ է երեք ատոմային ռումբ ստեղծել․ Reuters
Քաղաքականություն
16.11.2023 | 17:13
Իրանն արդեն ունի մինչև 60 տոկոս հարստացված 128,3 կգ ուրան։ Այս մասին հայտնում է Reuters գործակալությունը՝ վկայակոչելով Ատոմային էներգիայի միջազգային գործակալության (ՄԱԳԱՏԷ) գաղտնի զեկույցը։
Զեկույցի համաձայն՝ 90 տոկոսով հարստացված այս նյութի մոտ 42 կգ-ը «տեսականորեն» բավարար է ատոմային ռումբ ստեղծելու համար։ Այսպիսով, Իրանի ուրանի պաշարները, որոնք ենթակա են հետագա հարստացման, բավարար են երեք ատոմային ռումբ ստեղծելու համար։
«Սա զգալի քանակ է, հատկապես, եթե այն չի օգտագործվում որևէ բանի համար»,- մեկնաբանել է ամերիկացի բարձրաստիճան դիվանագետը Reuters-ին։
Նա հավելել է, որ Իրանն աշխարհում միակ երկիրն է, որն ուրանն այդքան բարձր մակարդակի է հարստացնում՝ առանց ատոմային զենք արտադրելու։
Միաժամանակ, ըստ ՄԱԳԱՏԷ-ի, վերջին շրջանում Իրանում ամսական միջինում մոտ 3 կգ ուրան է հարստացվում մինչև 60 տոկոս։ Այս տարվա սկզբին այս ցուցանիշը հասնում էր 9 կգ-ի, նշում են կազմակերպությունում։ Դիվանագիտական աղբյուրները տեմպերի դանդաղումը կապում են Թեհրանի և Վաշինգտոնի միջև անուղղակի բանակցությունների հետ, որոնցից ևս մեկը հանգեցրեց սեպտեմբերին գերիների փոխանակման:
