15.01.2026 | 20:00
ԱՄՆ-ն ունի մեծ լծակ Ադրբեջանի վրա ազդելու, որ ՀՀ վերադարձվեն բոլոր պատժաչափ ունեցող գերիները․ Դիանա Կարապետյան. ՏԵՍԱՆՅՈՒԹ
ԱՄՆ-ն ու ԵՄ-ն ցանկանում են Հայաստանի մերձեցումը անդրատլանտյան դաշնակիցների հետ․ Օ՛Բրայեն
Քաղաքականություն
15.11.2023 | 20:22
Միացյալ Նահանգները և Եվրամիությունը ցանկանում են Հայաստանի մերձեցումը անդրատլանտյան դաշնակիցների հետ և մշակում են դա ապահովելու սխեմա։ Այս մասին հայտարարել է պետքարտուղարի Եվրոպայի եւ Եվրասիայի հարցերով օգնական Ջեյմս Օ՛Բրայենը՝ ելույթ ունենալով ԱՄՆ Կոնգրեսի արտաքին հարաբերությունների հանձնաժողովում Լեռնային Ղարաբաղի շուրջ ստեղծված իրավիճակի վերաբերյալ լսումների ժամանակ։
«Ուրսուլա ֆոն դեր Լեյենը (Եվրահանձնաժողովի նախագահ – խմբ․) հրապարակայնորեն հայտարարել է, որ մտադիր է հանդիպում անցկացնել մեզ և Հայաստանի հետ՝ նպատակ ունենալով մերձեցնել Հայաստանը մեր համայնքին։ Ես դա քննարկել եմ մի քանի օր առաջ վարչապետ Փաշինյանի հետ, և մենք պարզում ենք, թե ինչպես կարող ենք դա անել»,- ասել է ամերիկացի դիվանագետը։
