15.09.2026 | 19:51
«Չենք մոռանա մեր դեմ կատարված վայրագությունները»․ Ալիևը ՀՀ-ին մեղադրել է «հանցագործությունների» մեջ
Իսրայելական զորքերը «Ալ-Շիֆա» հիվանդանոցում գրոհի ժամանակ զենք և «ահաբեկչական ենթակառուցվածք» են հայտնաբերել
Քաղաքականություն
15.11.2023 | 18:24
Իսրայելի պաշտպանության բանակը Գազայի հատվածում գտնվող «Ալ-Շիֆա» հիվանդանոցի տարածքում շարունակվող գրոհի ընթացքում զենք և «ահաբեկչական ենթակառուցվածք» է հայտնաբերել։ Այս մասին Reuters-ին անանունության պայմանով հայտնել է բարձրաստիճան զինվորականը:
Նա ասել է, որ հիվանդանոցային համալիրում ոչ մի կռիվ չի եղել այն պահից, երբ իսրայելական զինվորականները մտել են այնտեղ, և ոչ մի բախում չի եղել բժշկական անձնակազմի կամ հիվանդների հետ:
Ավելի ուշ, Իսրայելի պաշտպանության բանակը հայտարարել է «Ալ-Շիֆա» հիվանդանոցում իր գործողությունները շարունակելու մասին։
Բանակի պաշտոնյաների խոսքով՝ զորքերը շարունակում են «Ալ-Շիֆա» հիվանդանոցի որոշակի հատվածում ՀԱՄԱՍ-ի դեմ ուղղված և թիրախային գործողությունը, որի ընթացքում «նրանք փնտրում են ՀԱՄԱՍ-ի ահաբեկչական ենթակառուցվածքները և զենքերը»:
Հիվանդանոցի տարածքում գտնվող լրագրողներից մեկն այսօր առավոտյան BBC-ին պատմել է, որ Իսրայելի պաշտպանության բանակի զինվորները բաժանմունքից բաժանմունք են գնում՝ հարց ու փորձ անելով անձնակազմին և հիվանդներին թարգմանիչների ու բժիշկների ուղեկցությամբ:
