Քաղաքականություն
15.11.2023 | 18:06
Ֆրանսիայում դատարանը Սիրիայի նախագահ Բաշար Ասադի ձերբակալման օրդեր է տվել քիմիական զենքի կիրառման մեղադրանքով, հայտնում է France 24-ը։
Ընդհանուր առմամբ, 2013 թվականին Ֆրանսիայում քիմիական զենքի կիրառման հետ կապված չորս ձերբակալման օրդեր է տրվել։ Մեղադրանք է առաջադրվել նաև Սիրիայի ղեկավարի եղբորը՝ Հանրապետական գվարդիայի հրամանատար Մահեր Ասադին, ինչպես նաև երկու գեներալների։
2013 թվականի հուլիսին հաղորդվել էր, որ ՄԱԿ-ի քարտուղարությունը 13 հաղորդում է ստացել Սիրիայում քիմիական զենքի կիրառման մասին։ Այնուհետև Քիմիական զենքի արգելման կազմակերպությունը (ՔԶԱԿ) հաստատել է ևս 5 դեպք։
Մասնավորապես, օգոստոսին Դամասկոսի արվարձաններում զարին գազ պարունակող արկերով գնդակոծության հետևանքով զոհվել է մինչև 1700 մարդ, այդ թվում՝ երեխաներ։ Զոհերի ընդհանուր թիվը գնահատվել է 3,5 հազար։
