12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Թուրքիայի նախագահն Իսրայելն «ահաբեկչական պետություն» է անվանել
Քաղաքականություն
15.11.2023 | 17:14
Թուրքիայի նախագահ Ռեջեփ Թայիփ Էրդողանը հայտարարել է, որ Իսրայելն «ահաբեկչական պետություն» է, որը ռազմական հանցագործություններ է կատարում և խախտում է միջազգային իրավունքը Գազայի հատվածում, հայտնում է BBC-ի ռուսական ծառայությունը։
Էրդողանը կրկնել է իր տեսակետը, որ պաղեստինյան ՀԱՄԱՍ խմբավորումն ահաբեկչական չէ՝ հավելելով, որ այն պաղեստինցիների կողմից ընտրված քաղաքական կուսակցություն է։
Թուրքիայի նախագահը իշխող «Արդարություն և զարգացում» կուսակցության խորհրդարանական խմբակցության անդամների հետ հանդիպմանն ունեցած ելույթում, ըստ Reuters-ի, կոչ է արել Իսրայելի վարչապետ Բենիամին Նեթանյահուին հայտարարել՝ Իսրայելը միջուկային ռումբեր ունի՞, թե՞ ոչ։
Էրդողանը նաև հավելել է, որ Նեթանյահուն երկար չի մնա վարչապետի պաշտոնում։
Իսրայելից Էրդողանին արձագանքել է նախկին ԱԳ նախարար, Կնեսետի ընդդիմադիր խորհրդարանական խմբակցության ղեկավար Յաիր Լապիդը X-ի իր էջում գրառմամբ։
«Մենք բարոյական դասեր չենք ուզում նախագահ Էրդողանից՝ մարդու իրավունքների սարսափելի փորձ ունեցող մարդուց: Իսրայելը պաշտպանվում է ՀԱՄԱՍ-ի և ԻԼԻՊ-ի դաժան ահաբեկիչների դեմ, որոնց մի մասին թույլատրվել է գործել Էրդողանի հարկի տակ»,- գրել է Լապիդը։
Էմմա Չոբանյան
