21.05.2026 | 22:34
Իսրայելական «KAN» հեռուստաընկերությունը ներողություն է խնդրել Հայաստանի փոխարեն Ադրբեջանի դրոշը ցուցադրելու համար. Հանրային ՀԸ
Գազայի հատվածում շուրջ 1 միլիոն երեխա կա․ նրանցից շատերն անհետ կորել են․ ՅՈՒՆԻՍԵՖ
Քաղաքականություն
15.11.2023 | 15:14
Ավելի քան մեկ միլիոն երեխա կա Գազայի հատվածում, նրանցից շատերն անհետ կորել են կամ մնացել շենքերի փլատակների տակ՝ պաղեստինյան անկլավում կռիվների պատճառով։ Այս մասին հայտնել է ՄԱԿ-ի մանկական հիմնադրամի (ՅՈՒՆԻՍԵՖ) գործադիր տնօրեն Քեթրին Ռասելը։
Հղում անելով հիմնադրամի տվյալներին՝ նա նշել է, որ Գազայի հատվածում էսկալացիայի սկզբից ի վեր մոտ 4,6 հազար երեխա արդեն մահացել է, շուրջ 9 հազար անչափահաս՝ վիրավորվել։
«Շատ երեխաներ անհետ կորած են, և ենթադրվում է, որ մնացել են շենքերի ու տների փլատակների տակ»,- ընդգծել է ՅՈՒՆԻՍԵՖ-ի գործադիր տնօրենը։
ՅՈՒՆԻՍԵՖ-ն ավելի վաղ հայտնել էր, որ Գազայի հատվածում ռազմական գործողությունների սկսվելուց հետո ավելի քան 300 հազար երեխա ստիպված է եղել լքել իրենց տները։
