02.11.2024 | 13:09
Նոյեմբերի 1-ին «Երևանի ավտոբուս» ՓԲԸ-ի կողմից հավաքագրվել է 31 678 200 ՀՀ դրամ
Իսրայելի Պաշտպանության բանակը մտել է «Աշ-Շիֆա» հիվանդանոցի տարածք
Քաղաքականություն
15.11.2023 | 11:18
Իսրայելական տանկերն ու շուրջ 100 հատուկ ջոկատայիններ մտել են Գազայի հատվածում գտնվող «Աշ-Շիֆա» հիվանդանոցի տարածք։ Այս մասին հայտնում է BBC-ի ռուսական ծառայությունը՝ հղում կատարելով ականատեսներին։
«Ես տեսա վեց տանկ հիվանդանոցի տարածքում և հարյուրից ավելի հատուկ ջոկատայինների․ նրանք մտան գլխավոր վթարային շենք, ոմանք դիմակներով էին և արաբերենով բղավում էին՝ չշարժվե՛լ», – BBC-ի թղթակցին պատմել է հիվանդանոցում գտնվող Խադեր Զաանունը։
Հիվանդանոցում գտնվող լրագրող Խալեդը պատմել է, որ իսրայելցի զինվորականներն անցնում են սենյակից սենյակ, արաբերենի թարգմանչի ուղեկցությամբ հարցաքննելով բոլորին՝ անձնակազմին և հիվանդներին: Նա նշել է, որ իսրայելական զինվորականները «ամբողջովին վերահսկում են իրավիճակը և որևէ կրակ չի վարվում»։
«Al Jazeera» հեռուստաալիքի թղթակիցը ևս տեղից հայտնել է, որ հիվանդանոցի գլխավոր բակում իսրայելական տանկեր կան։ Գազայի՝ ՀԱՄԱՍ-ի կողմից վերահսկվող Առողջապահության նախարարության խոսնակը Al Jazeera-ին հայտնել է, որ իսրայելցի զինվորները խուզարկում են հիվանդանոցի նկուղը: Իսրայելը և ԱՄՆ-ը պնդում են, որ հիվանդանոցի տակ ՀԱՄԱՍ-ը ստորգետնյա հրամանատարական կետ է կառուցել։
