07.10.2026 | 13:05
Կառուցապատողներին հիշեցրել են՝ գնման իրավունքի պայմանագրերում սպառողների իրավունքները խախտող պայմաններ չեն կարող լինել
Կիևին մեկ միլիոն արկ մատակարարելու նպատակն իրագործելի է․ ԵՄ հանձնակատար
Քաղաքականություն
14.11.2023 | 20:52
Ներքին շուկայի հարցերով եվրահանձնակատար Թիերի Բրետոնը վստահ է, որ ԵՄ-ի նպատակը, որը դրվել էր գարնանը՝ Ուկրաինային մինչև 2024 թվականի մարտը մեկ միլիոն միավոր զինամթերք մատակարարել, իրագործելի է։ Այս մասին նա հայտարարել է Բրյուսելում ԵՄ անդամ երկրների պաշտպանության նախարարների հանդիպմանը՝ նշելով, որ եվրոպական պաշտպանական արդյունաբերությունը 20-30 տոկոսով մեծացրել է իր հզորությունը, որպեսզի մինչև գարուն կարողանա մեկ միլիոն արկ արտադրել, գրում է DW-ի ռուսական ծառայությունը։
«Այս նպատակը կկատարվի։ Այժմ դա անդամ պետությունների խնդիրն է, որոնք պետք է ավարտեն պայմանագրերի կնքումը»,- նշել է նա՝ ԵՄ երկրներին կոչ անելով կատարել իրենց պարտավորությունները Ուկրաինայի հանդեպ։
Մինչդեռ, Գերմանիայի պաշտպանության նախարար Բորիս Պիստորիուսի կարծիքով՝ Եվրամիությունը չի դիմանա այս հավակնոտ նպատակին։
«Մեկ միլիոնը չի ստացվի, մենք դրանում կարող ենք վստահ լինել»,- ասել է նա Բրյուսելում՝ որպես պատճառ նշելով արտադրական հզորությունների բացակայությունը։
