07.10.2026 | 16:20
Հայաստանի Կիոկուշին կարատեի ֆեդերացիան կանցկացնի «Սամուրայ» մրցաշարը
ՌԴ Պետդումայի փոխխոսնակն առաջարկել է արգելել սպասարկման ոլորտում աշխատել այն երկրների միգրանտներին, որտեղ ռուսերենը պետական լեզու չէ
Քաղաքականություն
14.11.2023 | 20:14
ՌԴ Պետդումայի փոխխոսնակ Պյոտր Տոլստոյն առաջարկել է արգելել միգրանտներին այն երկրներից, որտեղ ռուսերենը լեզուն պետական կարգավիճակ չունի, աշխատել սպասարկման ոլորտում, գրում է Meduza-ն։
Ելույթ ունենալով Դաշնային խորհրդում լսումների ժամանակ՝ Տոլստոյը դժգոհել է, որ հետխորհրդային հանրապետություններում ակտիվորեն սովորում են անգլերեն, ինչպես նաև «փորձում են ռուսերենը դուրս մղել»։ Ըստ Տոլստոյի՝ ՌԴ-ն դրան պետք է հակաքայլերով պատասխանի։
«Եթե ռուսերենը ձեր պետական լեզուն չէ, ապա, կներեք, այդ երկրների քաղաքացիները չպետք է աշխատեն հասարակական վայրերում՝ որպես վարորդ, վաճառող և հատկապես որպես «Յանդեքս»-ի առաքիչներ»,- ասել է Տոլստոյը։
Նա նշել է, թե նման «պատասխանատու աշխատանքն այդպիսի միգրանտների համար չէ»։
Ըստ նրա՝ Ռուսաստանում շատերը կարծում են, որ փափուկ ուժն այն է, երբ բոլորը ժպտում են և բացում իրենց ուսումնական հաստատությունները՝ բոլորին կոչ անելով աշխատելու Ռուսաստանում։
«Իմ կարծիքով՝ փափուկ ուժի մի մասը սահմանափակումների մեջ է, որոնք, իհարկե, պետք է կիրառվեն որոշակի իրավիճակներում»,- ասել է Պյոտր Տոլստոյը։
Նշենք, որ ՌԴ-ից զատ՝ ռուսերենը պետական լեզու է միայն Բելառուսում։ Ղազախստանում և Ղրղզստանում ռուսերենը պաշտոնական լեզվի կարգավիճակ ունի, իսկ Տաջիկստանում՝ ազգամիջյան հաղորդակցության լեզվի։
Էմմա Չոբանյան
