17.12.2025 | 18:50
Սուրեն Պապիկյանի հրամանով տարածքային պաշտպանության զորքերի հրամանատարությանը հանձնվել է մարտական դրոշ
Իրանը Հայաստանի և 4 այլ երկրների հետ տարանցիկ առևտրի համաձայնագիր է ստորագրել
Քաղաքականություն
14.11.2023 | 17:01
Տնտեսական համագործակցության կազմակերպության (ՏՀԿ) անդամ երկրների գագաթնաժողովում իրանական կողմը հինգ երկրների՝ Հայաստանի, Ռուսաստանի, Իրաքի, Սիրիայի և Թուրքմենստանի հետ համաձայնագրեր է կնքել Հյուսիս-Հարավ տրանսպորտային միջանցքի շրջանակում տարանցիկ առևտրի վերաբերյալ։ Այս մասին հայտարարել է Իրանի ճանապարհների և քաղաքաշինության նախարար Մեհրդադ Բազարփաշը, հաղորդում է Tasnim գործակալությունը։
«ՏՀԿ-ի գագաթնաժողովում ընդգծվել են տարանցիկ հնարավորությունները, Իրանը նշվել է որպես հիմնական առանցքներից մեկը, օրակարգում եղել է հարավ-արևելքից հյուսիս միջանցքի կառուցման ավարտը, համաձայնագրեր են ստորագրվել Ռուսաստանի, Իրաքի, Սիրիայի, Հայաստանի և Թուրքմենստանի հետ՝ այս երկրների հետ տարանցիկ առևտրի զարգացման համար»,- ասել է Բազարփաշը։
Նա նաև նշել է, որ իրանական կողմը շուտով կավարտի Պարսից ծոցի նավահանգիստները Կասպից ծովի նավահանգիստների հետ կապող տրանսպորտային միջանցքի կառուցումը։
Տնտեսական համագործակցության կազմակերպության գագաթնաժողովը տեղի է ունեցել նոյեմբերի 8-9-ը Տաշքենդում։
