15.09.2026 | 19:51
«Չենք մոռանա մեր դեմ կատարված վայրագությունները»․ Ալիևը ՀՀ-ին մեղադրել է «հանցագործությունների» մեջ
Բաքվի ներկայացուցիչը հայտարարել է, թե որոշ պետությունների կողմից ՀՀ-ին զինելու գործողությունները «կարող են պատերազմի վերսկսման պատճառ դառնալ»
14.11.2023 | 18:19
Ադրբեջանի Պետական անվտանգության ծառայության (ՊԱԾ) ղեկավար Ալի Նագիևը Բաքվում ԵԱՀԿ Խորհրդարանական վեհաժողովի նախագահ Պիա Կաումայի հետ հանդիպմանը նշել է, թե «ԵԱՀԿ-ն, միջազգային այլ կազմակերպությունների հետ միասին, պետք է ճնշում գործադրի Հայաստանի վրա՝ ականապատ դաշտերի ճշգրիտ քարտեզներն Ադրբեջանին փոխանցելու համար»։
Նագիևը նաև Հայաստանին մեղադրել է ականապատումների համար, ինչը, սակայն, արդեն իսկ հերքվել է ՄԱԿ-ի Արդարադատության միջազգային դատարանի կողմից։
Նա նշել է, թե Ադրբեջանը, իբր, «ջանք չի խնայում տարածաշրջանում կայուն խաղաղություն և կայունություն հաստատելու համար՝ միշտ առաջնահերթություն տալով բարիդրացիության և խաղաղ գոյակցության սկզբունքներին», այս համատեքստում ընդգծելով «Հայաստանի հետ հարաբերությունների կարգավորման և խաղաղության պայմանագրի ստորագրման կարևորությունը»։
Խոսելով տարածաշրջանում տիրող իրավիճակի մասին՝ ադրբեջանցի պաշտոնյան ընդգծել է, որ հիմա, «երբ բարենպաստ հնարավորություն կա տարածաշրջանում կայուն խաղաղություն հաստատելու համար, անընդունելի է, որ որոշ պետություններ զինեն Հայաստանին՝ տարածաշրջանում իրավիճակը կրկին սրելու նպատակով, և որ նման գործողությունները կարող են պատերազմի վերսկսման պատճառ դառնալ»։
Ադրբեջանի ՊԱԾ ղեկավարը, սակայն, չի հիշատակել, որ Բաքուն շարունակում է անխափան սպառազինության մատակարարումները, մասնավորապես, Թուրքիայից և Իսրայելից։
Էմմա Չոբանյան
