15.09.2026 | 19:41
«ԿԲ-ն ավելի ուժգին և ոչ բնականոն կարձագանքի, եթե ՌԴ-ն գազի գինը բարձրացնի». ԿԲ նախագահ
Իսլանդիայում մի ամբողջ քաղաք են տարհանել հրաբխի ժայթքման վտանգի պատճառով
Քաղաքականություն
14.11.2023 | 17:21
Ֆագրադալսֆյադալ հրաբխի ժայթքման սպառնալիքի՝ գնալով ավելի ակնհայտ դառնալու հետ մեկտեղ Իսլանդիայում հրաբխին մոտ գտնվող գյուղերի բնակիչներին թույլատրել են վերադառնալ իրենց տներ՝ ամենաթանկարժեք իրերը տեղափոխելու համար, գրում է Euronews-ը։
Իսլանդիան, որն ունի 33 ակտիվ հրաբխային համակարգ, նախորդ ուրբաթ արտակարգ դրություն էր հայտարարել, իսկ արդեն շաբաթ հրահանգել պարտադիր տարհանել Գրինդավիկի բնակիչներին։
Վերջին շաբաթների ընթացքում մի շարք փոքր երկրաշարժեր են տեղի ունեցել այդ տարածքում:
Յուրաքանչյուր մեքենայով թույլատրվել է միայն երկու հոգու մուտք գործել վտանգավոր գոտի և շատ կարճ ժամանակով։ Ոմանք տարել են ընտանի կենդանիներին և կահույք, մյուսները վերցրել են նախապես գնված ամանորյա նվերներն ու իրենց հոգեհարազատ իրեր, քանի որ ոչ ոք չգիտի, թե երբ կկարողանա վերադառնալ տուն կամ արդյո՞ք ընդհանրապես կվերադառնա։
Նույնիսկ այնպիսի տարածքի համար, ինչպիսին Իսլանդիան է, որը բառացիորեն գտնվում է հրաբխի վրա, մի ամբողջ քաղաքի տարհանումը հազվադեպ երևույթ է: Վերջին անգամ դա տեղի է ունեցել 50 տարի առաջ՝ երկրի հարավային ափերի մոտ գտնվող Հեյմեի կղզում հրաբխի ժայթքման ժամանակ։
