30.05.2026 | 14:45
«Զվարթնոցում» ուղեբեռից հայտնաբերվել է 956 հազար եվրո․ 2 անձ ձերբակալվել է․ ՔԿ
Անկարայում տեղի է ունեցել Թուրքիա-Հունաստան վստահության բարձրացմանը միտված խորհրդակցություն
Քաղաքականություն
14.11.2023 | 18:54
Թուրքիայի և Հունաստանի պատվիրակությունները խորհրդակցությունների ևս մեկ փուլ են անցկացրել երկու երկրների միջև վստահության ամրապնդման միջոցառումների շրջանակում։ Այս մասին X-ում գրառմամբ հայտնել է Թուրքիայի Պաշտպանության նախարարությունը, գրում է Անադոլու գործակալությունը։
Բանակցությունները տեղի են ունեցել նախօրեին Անկարայում՝ երկրի ՊՆ շենքում։
Հանդիպմանը մասնակցել են դիվանագետներ, բարձրաստիճան զինվորականներ և քաղաքացիական պաշտոնյաներ։ Կողմերը պայմանավորվել են վերսկսել և իրականացնել նախապես համաձայնեցված «վստահության միջոցառումները» 2024 թվականի ընթացքում՝ երկու երկրների իրավասու մարմինների կողմից դրանց հաստատումից հետո։
Նշվում է, որ հանդիպումն անցել է դրական մթնոլորտում։
Հաջորդ հանդիպումը տեղի է ունենալու Հունաստանում։
Էմմա Չոբանյան
