07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
ԵՄ-ն հայտարարել է ՌԴ-ի դեմ պատժամիջոցների նոր փաթեթի մասին
Քաղաքականություն
14.11.2023 | 15:15
Եվրամիության դիվանագիտության ղեկավար Ժոզեպ Բորելը հայտարարել է, որ ԵՄ խորհուրդն ավարտում է աշխատանքները Ռուսաստանի դեմ պատժամիջոցների 12-րդ փաթեթի ուղղությամբ։ Այս մասին նա ասել է ԵՄ արտաքին հարաբերությունների խորհրդի նիստից հետո, փոխանցում է «Svoboda.org»-ը։
Բորելը նշել է, որ պատժամիջոցների նոր փաթեթը կարող է համաձայնեցվել և ներկայացվել արդեն այս շաբաթ։ Այն կներառի ինչպես անհատական, այնպես էլ տնտեսական և ոլորտային պատժամիջոցներ:
«Այս 12-րդ փաթեթը կներառի ավելի շատ ցուցակներ, նոր ներմուծման և արտահանման արգելքներ, այդ թվում՝ ադամանդների, նավթի գնի սահմանաչափի պահպանման ուժեղացման գործողություններ՝ նվազեցնելու այն եկամուտը, որը Ռուսաստանը ստանում է իր նավթը շրջանցիկ վաճառելուց՝ ոչ թե մեզ, այլ ուրիշներին և, ինչպես արդեն ասացի, ադամանդի արգելք»,- ասել է ԵՄ գլխավոր դիվանագետը։
Նրա խոսքով՝ այս փաթեթի վերջնական մանրամասները ներկայում համաձայնեցվում են։
«Այն կկազմվի Խորհրդի որոշմամբ, որը կհաստատի համապատասխան որոշումները, և Խորհրդի կանոնակարգով, որը կպարունակի հրահանգներ անդամ երկրների համար, թե ինչպես իրականացնել այդ որոշումները»,- ասել է Բորելը:
