06.06.2026 | 13:05
Հայտնի է Հայաստանի հավաքականի հայտացուցակը Ղազախստանի դեմ խաղում․ ԼՈՒՍԱՆԿԱՐ
Ռուսաստանը ռեկորդային մակարդակի է հասցրել նավթի արտահանումը Թուրքիա
Քաղաքականություն
14.11.2023 | 14:22
Նոյեմբերի առաջին երկու շաբաթվա ընթացքում Թուրքիան ռեկորդային քանակությամբ նավթ է գնել Ռուսաստանից, հայտնում է Reuters-ը։
Ռուսական նավթի մյուս խոշոր գնորդների՝ Հնդկաստանի և Չինաստանի կողմից գնումները, ըստ թրեյդերների, կմնան նույն մակարդակում՝ չնայած պլանավորված ծավալների կրճատմանը։
Սպասվում է, որ նոյեմբերին Urals նավթի մատակարարումը Թուրքիա կգերազանցի 1,4 մլն տոննան, ինչը կդառնա նոր ռեկորդ։ Ըստ LSEG-ի՝ նոյեմբերի 1-ից նոյեմբերի 15-ը Թուրքիան գնել է ավելի քան 800 հազար տոննա Urals նավթ, ինչը 200 հազար տոննայով ավելի է , քան հոկտեմբերի նույն ժամանակահատվածի ծավալները։
Նշվում է, որ ծավալների աճը կապված է Թուրքիայի նավթավերամշակման խոշորագույն գործարանի և ռուսական «Լուկօյլ»-ի միջև Urals նավթի երկարաժամկետ մատակարարումների վերաբերյալ նոր պայմանագրի կնքման հետ։
Ավելի վաղ հաղորդվում էր, որ հոկտեմբերին նավթի և գազի վաճառքից ՌԴ պետբյուջե մուտքերն աճել են՝ հասնելով 1,64 տրլն ռուբլու։ Սա 2,2 անգամ ավելի է նախորդ ամսվա համեմատ և ամենաբարձր ամսական ցուցանիշն է 2022 թվականի ապրիլից ի վեր։
