17.12.2025 | 14:55
Մենք հաշվի ենք առնում ադրբեջանական և հայկական կողմերի շահերը. Կոբախիձե
Էրդողանը կխոսի 45 երկրների ղեկավարների հետ, որոնք ՄԱԿ-ում չեն մասնակցել Գազայի հարցով բանաձևի քվեարկությանը
Քաղաքականություն
14.11.2023 | 17:41
Թուրքիայի նախագահ Ռեջեփ Թայիփ Էրդողանը շուտով հեռախոսազրույց կունենա 45 երկրների ղեկավարների հետ, որոնք ձեռնպահ են մնացել ՄԱԿ-ի Գլխավոր վեհաժողովում Մերձավոր Արևելքում հրադադարի մասին բանաձևի վերաբերյալ քվեարկությունից։ Այս մասին գրում է թուրքական Yeni Safak պարբերականը։
Աղբյուրի փոխանցմամբ՝ մասնավորապես, նախատեսվում են բանակցություններ Ալբանիայի, Ավստրալիայի, Բուլղարիայի, Կամերունի, Ուկրաինայի, Ֆինլանդիայի, Էստոնիայի, Եթովպիայի և Զամբիայի հետ։
Հոկտեմբերի 7-ից Իսրայելի և պաղեստինյան ՀԱՄԱՍ շարժման միջև պատերազմը շարունակվում է։ Իսրայելն իր զոհերի թիվը գնահատում է 1,4 հազար մարդ, Պաղեստինը՝ ավելի քան 11 հազար։
Թուրքիան աջակցել է ՄԱԿ-ի Գլխավոր վեհաժողովի կողմից հոկտեմբերի 27-ին պաղեստինա-իսրայելական հակամարտության վերաբերյալ բանաձևի ընդունմանը։ Փաստաթուղթը նախատեսում էր զինադադար, հումանիտար միջանցքի բացում և Գազայի բնակիչներին սննդամթերքի և հիմնական ծառայությունների հասանելիության ապահովում։
Անցյալ ամիս ՄԱԿ-ի Անվտանգության խորհուրդը համաձայնության չեկավ պաղեստինա-իսրայելական հակամարտության վերաբերյալ չորս բանաձևերի նախագծերից ոչ մեկի շուրջ:
