07.10.2026 | 21:10
Եվրախորհրդարանի բանաձևի նախագծում իմ առաջարկով ներառվել է հայ գերիների հարցը․ Մարինա Մեզյուր
Կիևում 2024 թվականը վճռորոշ են համարում Ռուսաստանի հետ պատերազմում
Քաղաքականություն
14.11.2023 | 14:04
Հաջորդ տարին վճռորոշ է լինելու Ռուսաստանի կողմից Ուկրաինայի դեմ սանձազերծած պատերազմի ընթացքում։ Նման կարծիք է հայտնել Ուկրաինայի նախագահի գրասենյակի ղեկավար Անդրեյ Երմակը։ Ելույթ ունենալով Վաշինգտոնի Հադսոնի ինստիտուտում՝ նա կոչ է արել ԱՄՆ-ին է՛լ ավելի խստացնել Ռուսաստանի դեմ պատժամիջոցները և ավելի շատ զենք փոխանցել Կիևին՝ գալիք ձմռանն ընդառաջ երկրի հակաօդային պաշտպանության ուժեղացման համար, գրում է DW-ի ռուսական ծառայությունը:
«Պատերազմի շրջադարձային կետը մոտենում է»,- ասել է Երմակը։
Նրա խոսքով՝ Ուկրաինայի զինված ուժերի հակահարձակումը ներկայում շարունակվում է, և ուկրաինական զորքերն արդեն ամրացել են Դնեպրի ձախ ափին, որը մինչև վերջերս ամբողջությամբ վերահսկվում էր ռուսական ուժերի կողմից։
Ուկրաինայի նախագահ Վլադիմիր Զելենսկին գիտի, թե ինչպես հասնել հաղթանակի, վստահություն է հայտնել նրա գրասենյակի ղեկավարը։ Երմակը նաև ասել է, որ ուկրաինացիներն աներևակայելի երախտապարտ են ԱՄՆ-ին ցուցաբերած օգնության համար, և հույս է հայտնել, որ Վաշինգտոնը կպահպանի իր առաջատար դերը միջազգային անվտանգության համակարգում։
