02.11.2024 | 10:58
Ձորաղբյուրում բախվել են «Opel» և «Moskvich» մակնիշի մեքենաներ․ կա մեկ զոհ և մեկ տուժած
Բլինքենը խոստացել է ԱՄՆ-ի մշտական աջակցությունը Ուկրաինային
Քաղաքականություն
14.11.2023 | 12:59
ԱՄՆ պետքարտուղար Էնթոնի Բլինքենը նախօրեին հանդիպել է Ուկրաինայի նախագահի աշխատակազմի ղեկավար Անդրեյ Երմակի հետ, գրում է BBC-ի ռուսական ծառայությունը։ Բլինքենը խոստացել է, որ ԱՄՆ-ն մշտապես օգնելու է Ուկրաինային։ Ըստ նրա՝ օգնությունն ուղղված կլինի նաև նրան, որ Ուկրաինան կարողանա հաղթահարել ձմեռը, քանի որ Ռուսաստանն, ամենայն հավանականությամբ, կրկին հարձակվելու է երկրի ենթակառուցվածքների վրա:
Նախագահ Ջո Բայդենը խոստացել է տասնյակ միլիարդավոր դոլարներ տրամադրել Ուկրաինային ռուսական ագրեսիան հետ մղելու համար: Այս քաղաքականությունը, սակայն, բախվում է Հանրապետական կուսակցության որոշ հատվածների հակազդեցությանը:
«Ուկրաինայի կառավարության հետ մեր բոլոր զրույցներում մենք հստակ հասկացրել ենք, որ կշարունակենք նրանց աջակցել»,-լրագրողներին ասել է Պետքարտուղարության խոսնակ Մեթյու Միլլերը։ Բլինքենը Երմակի հետ խոսել է այն քայլերի մասին, որոնք կարող են ձեռնարկվել Ուկրաինայի հետ՝ ձմռանն ընդառաջ ենթակառուցվածքներն ուժեղացնելու համար։ «Անցյալ ձմռանը մենք բոլորս տեսել ենք, թե ինչպես էր Ռուսաստանը փորձում ոչնչացնել Ուկրաինայի էներգետիկ օբյեկտները: Նրանք կարող են դա նորից անել», – ասել է Միլլերը:
Երմակը շնորհակալություն է հայտնել Բլինքենին ԱՄՆ-ի աջակցության համար։
