12.01.2025 | 18:04
ՀՀ ԱԳՆ-ն ամփոփել է 2024թ․-ին հյուպատոսական ծառայություններում արձանագրված փոփոխությունները
ԱՄՆ պաշտպանության նախարարը մտահոգված է Չինաստանի և ՌԴ-ի կողմից Հյուսիսային Կորեային տրամադրվող օգնությամբ
Քաղաքականություն
14.11.2023 | 15:59
ՄԱԿ-ի անդամ երկրները, որոնք ապահովում են Հյուսիսային և Հարավային Կորեաների միջև հրադադարը, անհանգստացած են, թե ինչպես են Չինաստանն ու Ռուսաստանը օգնում Փհենյանին զարգացնել իր ռազմական կարողությունները և շրջանցել համաշխարհային կազմակերպության պատժամիջոցները: Այս մասին հայտարարել է ԱՄՆ պաշտպանության նախարար Լլոյդ Օսթինը Հարավային Կորեա կատարած այցի ժամանակ, հայտնում է Reuters-ը։
«Մենք խորապես մտահոգված ենք, որ Չինաստանն ու Ռուսաստանն օգնում են ԿԺԴՀ-ին ընդլայնել իրենց հնարավորությունները՝ թույլ տալով նրան խուսափել ՄԱԿ-ի Անվտանգության խորհրդի պատժամիջոցներից: Մենք նաև անհանգստացած ենք Ռուսաստանի և ԿԺԴՀ-ի միջև ռազմական համագործակցության վերջին աճով»,- ասել է Օսթինը Հարավային Կորեայի պաշտպանության նախարարի և ՄԱԿ-ի հրամանատարությունը կազմող 17 երկրների ներկայացուցիչների հետ հանդիպմանը։
Վաշինգտոնն ուղղակիորեն մեղադրել է Հյուսիսային Կորեային Ուկրաինա ներխուժման ժամանակ Ռուսաստանին զենք մատակարարելու, իսկ Մոսկվային՝ ԿԺԴՀ-ին տեխնիկական և ռազմական աջակցություն ցուցաբերելու մեջ, հիշեցնում է Reuters-ը։
Հյուսիսային Կորեան և Ռուսաստանը հերքում են զենքի հետ կապված որևէ գործարք, Չինաստանն էլ պնդում է, որ կատարում է միջազգային պարտավորությունները։
