15.01.2026 | 14:46
Բաքվում գտնվելու մասին ոչինչ չի պատմել, մենք էլ չենք հարցրել. Վագիֆ Խաչատրյանի դուստր
Իսրայելը Գազայի հատվածի հարավում մարդասիրական դադար է հայտարարել
Քաղաքականություն
13.11.2023 | 19:29
Իսրայելի պաշտպանության բանակը մարդասիրական նպատակներով չորս ժամով դադարեցրել է ռազմական գործողությունները Գազայի հատվածի հարավային Ռաֆահ քաղաքում։ Այս մասին X սոցիալական ցանցում հայտնել է Իսրայելի պաշտպանության բանակի խոսնակ Ավիչայ Էդրին, փոխանցում է Կոմերսանտը։
Մարտական գործողությունները դադարեցվել են տեղական ժամանակով 10:00-ից 14:00-ը: Բացի այդ, Իսրայելի պաշտպանության բանակի ներկայացուցչի խոսքով, Գազայի հատվածի հյուսիսային շրջանների բնակիչների տարհանման մարդասիրական միջանցքը կվերաբացվի տեղական ժամանակով 9:00-ից 16:00-ն:
Տարհանման երթուղին կանցնի Ալ-Շիֆա հիվանդանոցից Սալահ էդ-Դին ճանապարհով դեպի հարավ՝ դեպի Ռաֆահ անցակետ: Տեղական ժամանակով 10:00-ից 16:00-ը կթույլատրվի տարհանումը պաղեստինցի փախստականների Ալ-Շատի ճամբարից։
Նախօրեին Գազայի հատվածի հյուսիսային մասում գտնվող Ջեբալիա փախստականների ճամբարի տարածքում հումանիտար դադար էր հայտարարվել չորս ժամով։ Բնակիչների տարհանումը սկսվել է Ալ-Շիֆայի հիվանդանոցից դեպի հարավ՝ «Ռաֆահ» անցակետ։ Նոյեմբերի 9-ին ԱՄՆ պաշտոնյաների հետ բանակցություններից հետո Իսրայելը համաձայնել է Գազայի հատվածում չորս ժամ դադարի:
