18.03.2026 | 23:15
34,576 տեղահանված անձ ստացել է ՀՀ քաղաքացիություն, մերժման զրո դեպք ունենք․ ՆԳ նախարար
Սունակը Մեծ Բրիտանիայի ԱԳ նախարար է նշանակել նախկին վարչապետ Դեյվիդ Քեմերոնին
Քաղաքականություն
13.11.2023 | 16:23
Մեծ Բրիտանիայի վարչապետ Ռիշի Սունակը փոփոխություններ է կատարել կառավարության կազմում։ Մասնավորապես, ԱԳ գործող նախարար Ջեյմս Քլևերլին նշանակվել է ներքին գործերի նախարար, իսկ նախկին վարչապետ Դեյվիդ Քեմերունը՝ արտաքին գործերի նախարար։ Այս մասին ասվում է X-ում վարչապետի աշխատակազմի պաշտոնական էջում հրապարակման մեջ։
Այսօր ավելի վաղ Սունակը ՆԳ նախարար Սուելլա Բրավերմանին հեռացրել էր պաշտոնից՝ Պաղեստինին աջակցող ցույցերի վերաբերյալ հոդվածի համար։
Հիշեցնենք, որ Քեմերունը Մեծ Բրիտանիայի վարչապետի պաշտոնը զբաղեցրել է 2010-2016 թվականներին։
Ի դեպ, նոյեմբերի 13-14-ը ՀՀ արտաքին գործերի նախարար Արարատ Միրզոյանը պաշտոնական այցով Միացյալ Թագավորությունում է: ՀՀ ԱԳՆ-ի հաղորդմամբ՝ տեղի է ունենալու ՀՀ և ՄԹ ԱԳ նախարարների հանդիպումը, ինչպես նաև ՀՀ-ՄԹ ռազմավարական երկխոսության առաջին նիստը։ Այցի ընթացքում նախատեսված են նաև այլ քննարկումներ և միջոցառումներ:
Էմմա Չոբանյան
