23.02.2026 | 11:44
Ամսական 42 միլիոն դրամ է մտնում Երևանի բյուջե՝ ավտոմատ ինքնասպասարկող սարքերից․ քաղաքապետ․ ՏԵՍԱՆՅՈՒԹ
Թուրքիան մտադիր է երկարաձգել Աղդամի ռուս-թուրքական մոնիթորինգի կենտրոնում իր զինվորականների ներկայությունը
Քաղաքականություն
13.11.2023 | 16:46
Թուրքիան ծրագրում է ևս մեկ տարով երկարաձգել Աղդամում ռուս-թուրքական համատեղ մոնիթորիգի կենտրոնում իր զինվորականների ներկայությունը։ Այս մասին ադրբեջանական լրատվամիջոցներին հայտնել են Անկարայում դիվանագիտական աղբյուրները։
Հաղորդվում է, որ հարցը կներկայացվի Թուրքիայի Ազգային մեծ ժողովի քննարկմանը։ Եթե խորհրդարանը համաձայնի թուրք զինվորականների գտնվելու ժամկետը երկարաձգել ևս մեկ տարով, որոշումն ուժի մեջ կմտնի պաշտոնական մամուլում հրապարակվելուց հետո։
Հիշեցնենք, որ Արցախյան 44-օրյա պատերազմից հետո ՌԴ-ի և Թուրքիայի միջև համաձայնության արդյունքում 2021 թվականի հունվարին Աղդամում բացվել էր համատեղ մոնիթորինգային կետրոնը։
Հավելենք, որ 2020 թվականի նոյեմբերի 17-ին Թուրքիայի Ազգային մեծ ժողովը լիազորել էր երկրի զինված ուժերին մեկ տարի ժամկետով ծառայել Աղդամի կենտրոնում։ 2021 և 2022 թվականների նոյեմբերին թուրք զինվորականների գտնվելու ժամկետը երկարացվել էր ևս մեկ տարով։
Էմմա Չոբանյան
