15.12.2025 | 14:00
Ցորենի նոր խմբաքանակ է գալիս Ադրբեջանով, հացի գնի վրա ազդելո՞ւ է, չեմ կարող ասել. Պապոյան․ ՏԵՍԱՆՅՈՒԹ
Երբ ինձ հայտարարեցին, որ իմ կարգավիճակը մեղադրյալի կարգավիճակ է, ես հրաժարվեցի ցուցմունք տալ. Ռոբերտ Քոչարյան
Հասարակություն
26.07.2018 | 23:01
ՀՀ 2-րդ նախագահ Ռոբերտ Քոչարյանն այսօր Հատուկ քննչական ծառայությունում ցուցմունք չի տվել:
Այս մասին այսօր երկիր Մեդիա հեռուստաընկերության եթերում հայտնել է նա՝ ներկայացնելով ցուցմունք տալուց հրաժարվելու պատճառները:
«Ես հատուկ եկել եմ ցուցմունք տալու համար, որպես վկա կարգավիճակում, սակայն, երբ ինձ հայտարարեցին, որ իմ կարգավիճակը մեղադրյալի կարգավիճակ է, ես հրաժարվեցի ցուցմունք տալ»,- ասել է ՀՀ 2-րդ նախագահը:
Ռոբերտ Քոչարյանը խոսել է նաև իր և ՀՀ 3-րդ պաշտոնաթող նախագահ Սերժ Սարգսյանի միջև հարաբերությունների մասին և նկատեց. «Ես վերջին հինգ տարվա ընթացքում Սերժ Սարգսյանին տեսել եմ երկու անգամ: Հեռախոսով կարող էինք շփվենք, տարին մի երկու-երեք անգամ ծնունդ շնորհավորենք և այլն, բայց ես չեմ կարող չգնահատել այն ճանապարհը, որ ինքն անցել է Ղարաբաղում ու այստեղ` Հայաստանում»:
