24.05.2026 | 01:30
«SOAD-ը Երևանու՞մ». Սերժ Թանկյանը հայտարարել է՝ հուլիսին համերգ չի լինի
Պարտավոր եմ պայքարել և պայքարելու եմ. Ռոբերտ Քոչարյան
Հասարակություն
26.07.2018 | 22:18
Հարցաքննվելուց հետո Ռոբերտ Քոչարյանը հարցարույց է տվել Երկիր Մեդիա հեռուստաընկերությանը:
Պաշտոնաթող նախագահը հարցազրույցի ընթացքում, պատասխանելով իր հնարավոր ձերբակալման մասին հարցին, ասել է. «Կգնամ, կնստեմ, կպայքարեմ մինչեւ վերջ: Դա նվեր կլինի Ադրբեջանին, որովհետեւ երբ ես էի Արցախի նախագահը, Արցախը փառահեղ հաղթանակ է տարել, ձեռք է բերել անվտանգության գոտի և երկիրը տնտեսական լուրջ աճ է ունեցել… Տվեք այդ նվերն Ադրբեջանին»:
Լրագրողի հարցին՝ ինչ է պատրաստվում անել, ՀՀ երկրոդ նախագահը պատասխանել է. «Պարտավոր եմ պայքարել և պայքարելու եմ»:
Հիշեցնենք, որ ժամեր առաջ հայտնի դարձավ, որ 2008 թվականի մարտի 1-ից 2-ն ընկած ժամանակահատվածում Երևան քաղաքում տեղի ունեցած իրադարձությունների վերաբերյալ ՀՀ հատուկ քննչական ծառայությունում քննվող քրեական գործով նախաքննության ընթացքում ձեռք բերված ապացույցների բավարար համակցության հիման վրա 2018 թվականի հուլիսի 26-ին Հայաստանի Հանրապետության պաշտոնաթող Նախագահ Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը:
