30.05.2026 | 16:48
Հանրապետության տոնի առթիվ ՀՀ հակակոռուպցիոն կոմիտեի նախագահի հրամանով մի շարք ծառայողներ են պարգևատրվել
Վրաստանի նախագահը կրկին առանց կառավարության թույլտվության մեկնել է արտերկիր
Քաղաքականություն
10.11.2023 | 16:06
Վրաստանի նախագահ Սալոմե Զուրաբիշվիլին թույլտվություն չի խնդրել կառավարությունից՝ մասնակցելու Փարիզում մեկնարկած Խաղաղության ֆորումին։ Գրուզիա օնլայնի հաղորդմամբ՝ կառավարության վարչակազից հայտնել են, որ նախագահը նրանց հետ չի կապվել այցի վերաբերյալ։
Սա Սալոմե Զուրաբիշվիլիի առաջին այցն է արտերկիր իր իմփիչմենթի գործընթացի մեկնարկից հետո և, ինչպես IPN-ին հայտնել են նախագահի վարչակազմում, նա արդեն մեկնել է Փարիզ՝ առանց արտերկիր մեկնելու համար կառավարության համաձայնությունը ստանալու։
Հիշեցնենք, որ Սալոմե Զուրաբիշվիլին նոյեմբերի 8-ին Օրբելիանի պալատում կայացած հանդիպման ժամանակ հայտարարել էր, որ կշարունակի լոբբինգը ԵՄ-ին Վրաստանի անդամակցության համար և կմեկնի Փարիզ՝ Խաղաղության ֆորումին մասնակցելու։
Նշենք, որ ֆորումին մասնակցում է և այսօր ելույթ է ունենալու նաև Վրաստանի վարչապետ Իրակլի Ղարիբաշվիլին։
Հիշեցնենք, որ ավելի վաղ Վրաստանում իշխող «Վրացական երազանք» կուսակցությունը իմփիչմենթի գործընթաց էր սկսել երկրի նախագահի հանդեպ՝ նրան մեղադրելով առանց կառավարության թույլտվության արտերկիր գործուղվելու մեջ և այդպիսով խախտելով երկրի Սահմանադրությունը։ Սակայն Վրաստանի խորհրդարանի 100-ից քիչ պատգամավորներ են կողմ քվեարկել նախագահ Սալոմե Զուրաբիշվիլիի հեռացմանը, ինչի արդյունքում իմփիչմենթը տապալվել է։
