07.10.2026 | 14:29
Սեպտեմբերին Հայաստան է այցելել 290 հազար զբոսաշրջիկ․ Պապոյան
Էրդողանը հայտարարել է, թե ԵՄ մի շարք երկրներ թշնամաբար են վերաբերվում Թուրքիային
Քաղաքականություն
10.11.2023 | 21:52
Պատճառը, թե ինչու Անկարան չի կարողանում որևէ առաջընթաց գրանցել Եվրամիության հետ հարաբերություններում, որոշ անդամ երկրների բացահայտ թշնամական վերաբերմունքն է Թուրքիայի նկատմամբ։ Այս մասին հայտարարել է Թուրքիայի նախագահ Ռեջեփ Թայիփ Էրդողանը, հաղորդում է TRT Haber-ը։
«Եվրամիությունն աստիճանաբար կորցնում է հույսը՝ ազատվելու ռազմավարական կուրությունից, որի մեջ ընկել է։ Աստճանաբար հույսը կորցնող ԵՄ-ն հաճախ է թակելու Թուրքիայի դռները»,- ասել է Էրդողանը։
Նա նաև նշել է, որ ՄԱԿ-ի ամբիոնից նույնպես բազմիցս բացատրել են, որ կառավարման և անվտանգության համաշխարհային համակարգը հնացել է և բարեփոխման կարիք ունի։ Ըստ Էրդողանի՝ այդ կոչը գնալով արձագանք է գտնում։
Հավելենք, որ օրերս հրապարակված Թուրքիայի՝ ԵՄ-ին անդամակցության հայտի վերաբերյալ Եվրահանձնաժողովի տարեկան զեկույցը քննադատության էր ենթարկում Անկարայի «լուրջ հետընթացը» ժողովրդավարական չափանիշների, օրենքի գերակայության, մարդու իրավունքների և դատական անկախության վերաբերյալ։
Էմմա Չոբանյան
