26.06.2026 | 11:57
ՍԴ-ն անկախության, չեզոքության դեֆիցիտ ունի. Արամ Վարդևանյան․ ՏԵՍԱՆՅՈՒԹ
Պուտինն այցելել է Ռոստովում գտնվող ռազմական շտաբ
Քաղաքականություն
10.11.2023 | 15:39
ՌԴ նախագահ Վլադիմիր Պուտինն այցելել է Դոնի Ռոստովում գտնվող Հարավային ռազմական օկրուգի շտաբ։ Այս մասին հայտնել է նրա մամուլի քարտուղար Դմիտրի Պեսկովը, գրում է Meduza-ն։
Շտաբում Պուտինին ուղեկցել են ՊՆ ղեկավար Սերգեյ Շոյգուն և ԳՇ պետ Վալերի Գերասիմովը, այլ ռազմական ղեկավարներ։
«Պուտինին ծանոթացրել են ռազմական տեխնիկայի նոր տեսակներին և ներկայացրել հատուկ ռազմական գործողության առաջընթացի մասին զեկույցներ»,- հավելել է Պեսկովը։
Մասնավորապես, Շոյգուն և Գերասիմովը նախագահին դիմավորել են՝ «Մենք ուզում ենք ձեզ ցույց տալ այս մեքենան» բառերով և ցուցադրել Desertcross 1000-3 ամենագնացը։
Մեքենայի նկարագրությունում ասվում է, որ ամենագնացը «նախատեսված է պարեկային և հետախուզական, որոնողափրկարարական գործողություններ իրականացնելու, ինչպես նաև ճանապարհային և հողային դժվարին պայմաններում փոխադրումների համար»: Մեքենան, որն իր հիմնական կոնֆիգուրացիայով արժե 1,58 մլն ռուբլի, կարող է տեղավորել երեք մարդու։ Ըստ տեղեկության՝ զորքերն արդեն ունեն 537 նման մեքենա, ևս 1590 մեքենա նախատեսվում է ձեռք բերել։
Էմմա Չոբանյան
