15.09.2026 | 20:21
Քննարկվել են ՀՀ զինված ուժերի և Կանզասի ազգային գվարդիայի միջև գործընկերությանն առնչվող հարցեր
Առաջին անգամ ՄԱԿ-ի դատարանում Ռուսաստանի ներկայացուցիչ չի ընտրվել
Քաղաքականություն
10.11.2023 | 14:09
Ռուսաստանի ներկայացուցիչ Կիրիլ Գևորգյանը, որը 2015 թվականից Հաագայի միջազգային դատարանի դատավոր է, երկրորդ ժամկետով չի վերընտրվել։ Նոյեմբերի 10-ին ՄԱԿ-ի Գլխավոր վեհաժողովում տեղի ունեցած քվեարկության ժամանակ նա պարտվել է Ռումինիայի ներկայացուցիչ Բոգդան-Լյուսիան Աուրեսկուին, որին աջակցել են Գլխավոր վեհաժողովի 117 անդամներ, գրում է DW-ի ռուսական ծառայությունը։
Խորհրդային և ռուս դատավորները ՄԱԿ-ի դատական համակարգում ծառայում են 1946 թվականից: Այսպիսով, առաջին անգամ Արդարադատության միջազգային դատարանում Ռուսաստանի ներկայացուցիչ չի լինի։
Բացի Աուրեսկուից՝ Արդարադատության միջազգային դատարանում ընտրվել են ևս երեք նոր դատավորներ՝ Սառա Հալլ Քլիվլենդը (ԱՄՆ), Խուան Վերդուզկոն (Մեքսիկա) և Դիրե Տլադին (Հարավային Աֆրիկա), ևս մեկ գործող դատավոր՝ Ավստրալիայի ներկայացուցիչ Հիլարի Չարլսվորթը, վերընտրվել է։
Արդարադատության միջազգային դատարանը բաղկացած է 15 դատավորից, որոնց պաշտոնավարման ժամկետը ինը տարի է։ Միաժամանակ երեք տարին մեկ ընտրություններ են անցկացվում թափուր հինգ տեղերի համար։ Մի քանի ժամկետ անընդմեջ ծառայելու արգելք չկա։
