26.06.2026 | 14:57
Արհեստական բանականության ոլորտում Հայաստան-ԱՄՆ համագործակցությունը նոր փուլ է մտնում
«Մենք չենք ձգտում գրավել, օկուպացնել կամ կառավարել Գազան». Նեթանյահու
Քաղաքականություն
10.11.2023 | 13:31
Իսրայելի վարչապետ Բենյամին Նեթանյահուն հայտարարել է, որ ինքը ցանկանում է «տեսնել Գազայի ապառազմականացումը, ապաարմատականացումը և վերակառուցումը»։ Այս մասին հաղորդում է Euronews-ը՝ հիշեցնելով, որ նախօրեին Իսրայելը համաձայնել էր ամեն օր 4 ժամով հումանիտար դադար հայտարարել անկլավի հյուսիսում։
«Մենք չենք ձգտում գրավել Գազան: Մենք չենք ձգտում օկուպացնել Գազան և չենք ձգտում կառավարել Գազան: Մենք պետք է գտնենք կառավարություն, քաղաքացիական կառավարություն, որը կլինի այնտեղ։ Մենք պետք է տեսնենք Գազայի ապառազմականացումը, ապաարմատականացումը և վերակառուցումը»,- ասել է Նեթանյահուն:
Այս հայտարարությունը հնչել է ժամեր անց այն բանից հետո, երբ Իսրայելը համաձայնել է օրական չորս ժամով հումանիտար դադարի անկլավի հյուսիսային մասում։ Իսրայելի այս որոշումն արժանացել է ՄԱԿ-ի և ԱՄՆ-ի բարձր գնահատականին:
