15.12.2025 | 17:13
Yandex Go-ի վարորդների բողոքի ակցիան. ՈւՂԻՂ
Իսրայելը հայտարարել է Սիրիային հարվածներ հասցնելու մասին՝ ի պատասխան Էյլաթում հարձակման
Քաղաքականություն
10.11.2023 | 11:01
Իսրայելի պաշտպանության բանակը հայտարարել է Սիրիայում ավիահարվածների մասին՝ ի պատասխան Էյլաթում դպրոցի վրա անօդաչու թռչող սարքի հարձակման, գրում է BBC-ի ռուսական ծառայությունը։
Իսրայելի պաշտպանության բանակի հայտարարության մեջ ասվում է, որ հարվածն ուղղված է եղել անօդաչու թռչող սարքը արձակած կազմակերպությանը, սակայն չի նշվում, թե ով է կանգնած հարձակման հետևում, որտեղից է այն եկել կամ կոնկրետ ինչն է եղել պատասխան հարվածների թիրախը:
«Սիրիական ռեժիմը կրում է ամբողջ պատասխանատվությունը Սիրիայի տարածքից իրականացվող բոլոր ահաբեկչական գործողությունների համար։ Իսրայելի պետության տարածքը վնասելու ցանկացած փորձի Իսրայելի պաշտպանության բանակը կոշտ արձագանքելու է»,- ասվում է հայտարարության մեջ։
Մինչ այս հաղորդվել էր, որ տարրական դպրոցի վրա անօդաչու թռչող սարքի ընկնելու հետևանքով ոչ ոք լրջորեն չի տուժել։
