Քաղաքականություն
09.11.2023 | 19:14
Իսրայելը հայտարարել է, որ ՀԱՄԱՍ-ը կորցրել է վերահսկողությունը Գազայի հատվածի հյուսիսում:
«Քանի դեռ պատանդներն ազատ չեն արձակվել, հրադադարն անհնար է»,- հերթական անգամ հայտարարել է Իսրայելի վարչապետ Բենիամին Նեթանյահուն, գրում է Euronews-ը։
Իսրայելը շարունակում է հարվածներ հասցնել Գազայի հատվածի հյուսիսում գտնվող քաղաքներին, չնայած այն բանին, որ ըստ Պաշտպանության բանակի հայտարարության՝ ՀԱՄԱՍ-ը կորցրել է վերահսկողությունն այդ շրջանների նկատմամբ։
Բեյթ Լահիյա քաղաքը հերթական անգամ հայտնվել է ուղիղ հարվածի թիրախում։ Հաղորդվում է, որ բանակցություններ են ընթանում ՀԱՄԱՍ-ի կողմից Գազայում 3-օրյա հումանիտար դադարի դիմաց շուրջ 12 պատանդների ազատ արձակման շուրջ։
Իսրայելական զորքերը հայտարարել են, որ ուժեղացնում են հարձակումը Գազայի վրա, նաև պնդել, որ զգալի վնաս են հասցրել ՀԱՄԱՍ-ի օդային և ծովային ուժերին:
