15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Էրդողանը հայտարարել է, որ Թուրքիան պատրաստ է երաշխավորի դեր ստանձնել Գազայում ճգնաժամի կարգավորման համար
Քաղաքականություն
09.11.2023 | 20:13
Տաշքենդում անցկացվող Տնտեսական համագործակցության կազմակերպության 16-րդ գագաթնաժողովի շրջանակում Թուրքիայի նախագահ Ռեջեփ Թայիփ Էրդողանը հանդիպել է Իրանի նախագահ Էբրահիմ Ռաիսիի հետ։ Թուրքիայի նախագահականի տարածած հաղորդագրության համաձայն՝ հանդիպմանը կողմերը քննարկել են Գազայի վրա Իսրայելի հարձակումների հետևանքով առաջացած հումանիտար ճգնաժամը և լուծում գտնելու համար ձեռնարկվելիք քայլերը, ինչպես նաև Թուրքիայի և Իրանի երկկողմ հարաբերություններն ու տարածաշրջանային խնդիրներ։
Էրդողանը հանդիպման ժամանակ հայտարարել է, որ Իսրայելի հարձակումները դադարեցնելը կնպաստի խաղաղությանը տարածաշրջանում և ամբողջ աշխարհում, և որ Իսլամական համագործակցության կազմակերպությունը պետք է ձգտի գալիք արտահերթ գագաթնաժողովում արդար լուծման հասնել։
Նա նշել է, որ Թուրքիան պատրաստ է լուծել խնդիրը՝ որպես երաշխավոր պատասխանատվություն ստանձնելով, նաև հայտարարել, որ իսլամական աշխարհը պետք է միասնական դիրքորոշում ընդունի և մեծացնի ճնշումն Իսրայելի վրա։
Հիշեցնենք, որ այսօր ավելի վաղ Իրանի նախագահը հանդիպել էր նաև Ադրբեջանի նախագահ Իլհամ Ալիևին։
Էմմա Չոբանյան
