07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
Էրդողանը հայտարարել է, թե «Հայաստանի կողմից Ադրբեջանի նկատմամբ ստանձնած պարտավորությունների կատարումը կհեշտացնի խաղաղության գործընթացը»
Քաղաքականություն
09.11.2023 | 16:24
Ուզբեկստանում ընթացող Տնտեսական համագործակցության կազմակերպության անդամ երկրների ղեկավարների գագաթնաժողովում ունեցած ելույթում Թուրքիայի նախագահ Ռեջեփ Թայիփ Էրդողանն անդրադարձել է նաև Արցախին և Հայաստանին։ Նա նշել է, որ «պետք է համախմբեն իրենց շարքերը՝ Ղարաբաղից մինչև Աֆղանստան ընդհանուր աշխարհագրության առջև ծառացած մարտահրավերների համար», հաղորդում է TRT Haber-ը։
Էրդողանը հայտարարել է, թե «Ղարաբաղի օկուպացիայի ավարտով»՝ Արցախի դեմ իրականացված ռազմական ագրեսիայի և էթնիկ զտման արդյունքում, իբր, մեկ քայլ ավելի մոտ են տարածաշրջանում մշտական խաղաղությանը։
«Հայաստանի կողմից Ադրբեջանի նկատմամբ ստանձնած պարտավորությունների կատարումը կհեշտացնի այս գործընթացը։ Ռազմավարական նշանակություն ունի նաև Նախիջևանն Ադրբեջանի արևմտյան շրջանների հետ կապող տրանսպորտային գծերի հնարավորինս արագ ստեղծումը»,- ասել է Էրդողանը։
Նշենք, որ օրերս Աստանայում Թուրքական պետությունների կազմակերպության գագաթնաժողովում Էրդողանը հանդես էր եկել նմանատիպ ելույթով՝ դարձյալ Հայաստանին իրականության հետ աղերս չունեցող պահանջներ ներկայացնելով։
Էմմա Չոբանյան
