15.09.2026 | 20:21
Քննարկվել են ՀՀ զինված ուժերի և Կանզասի ազգային գվարդիայի միջև գործընկերությանն առնչվող հարցեր
Եգիպտոսը մերժել է ԱՄՆ-ի առաջարկը՝ պատերազմի ավարտից հետո ապահովել Գազայի անվտանգությունը․ WSJ
Քաղաքականություն
09.11.2023 | 13:48
Կենտրոնական հետախուզական վարչության տնօրեն Ուիլյամ Բըրնսը Մերձավոր Արևելք կատարած շրջագայության ժամանակ Եգիպտոսի նախագահ Աբդուլ Ֆաթահ Սիսիի և հետախուզության ղեկավար Աբբաս Քամելի հետ քննարկել է առաջարկը, ըստ որի՝ ՀԱՄԱՍ-ի պարտությունից հետո Եգիպտոսը կապահովի Գազայի հատվածի անվտանգությունը, մինչև Պաղեստինի ինքնավարության իշխանությունը ստանձնի այս գործառույթը։ Այս մասին գրում է Wall Street Journal-ը՝ հղում անելով աղբյուրներին:
Ըստ աղբյուրների՝ Սիսին մերժել է այս առաջարկը՝ ասելով, որ Եգիպտոսը չի մասնակցի ՀԱՄԱՍ-ի ոչնչացմանը, քանի որ խմբավորումն իրեն անհրաժեշտ է Գազայի հատվածի հետ սահմանին անվտանգությունը պահպանելու համար։ Պարբերականը նշում է, որ ԿՀՎ-ն հրաժարվել է մեկնաբանել Բըրնսի ճամփորդությունը։
Ավելի վաղ Եգիպտոսի նախագահի գրասենյակը հայտնել էր, որ ԿՀՎ տնօրենի հետ հանդիպման ժամանակ քննարկվել է հրադադարի ռեժիմը և Գազայի բնակիչներին մարդասիրական օգնության տրամադրումը։
