26.06.2026 | 10:45
Ալեն Սիմոնյանը շնորհավորել է Ռուբեն Ռուբինյանին` ԱԺ նախագահի թեկնածու ընտրվելու կապակցությամբ
ԱՄՆ-ն Իրանին ուղիղ կապով հայտնել է, որ չի ձգտում տարածաշրջանում էսկալացիայի․ CNN
Քաղաքականություն
09.11.2023 | 13:26
ԱՄՆ-ը «լրացուցիչ ջանքեր է գործադրել՝ Իրանին ուղիղ հայտնելու համար», որ Վաշինգտոնը չի ձգտում սրել հակամարտությունը Մերձավոր Արևելքում։ Այս մասին հայտնում է CNN-ը՝ վկայակոչելով Պենտագոնի բարձրաստիճան պաշտոնյային։
Դա տեղի է ունեցել այն բանից հետո, երբ Պենտագոնը հայտարարել է Սիրիայում զենքի պահեստին ավիահարվածի մասին, որը, գերատեսչության տվյալներով, օգտագործել է Իրանի Իսլամական հեղափոխության պահապանների կորպուսը։ ԱՄՆ-ը հայտարարել է, որ դա պատասխան է տարածաշրջանում ամերիկյան զորքերի վրա Իրանի կողմից աջակցվող խմբերի գրեթե ամենօրյա հարձակումներին:
«Իսրայելի և ՀԱՄԱՍ-ի միջև ընթացող հակամարտության հետևանքով առաջացած լարվածության աճի լույսի ներքո մենք լրացուցիչ քայլեր ենք ձեռնարկել ուղիղ կապեր հաստատելու Իրանի, ինչպես նաև Իրաքում, Լիբանանում նրա փոխկապակցված խմբերի և մեր տարածաշրջանային գործընկերների հետ։ Մենք փորձում ենք փոխանցել, որ մեր գործողությունները չեն նշանակում մոտեցումների փոփոխություն Իսրայելի և ՀԱՄԱՍ-ի միջև հակամարտության հետ կապված, և մենք մտադիր չենք սրել տարածաշրջանային հակամարտությունը»,- ասել է աղբյուրը CNN-ին:
Պենտագոնի ներկայացուցիչը նաև ասել է, որ Միացյալ Նահանգները լրացուցիչ Patriot մարտկոցներ է տեղակայել Մերձավոր Արևելքում գտնվող իր բազաներ՝ ի պատասխան Իրաքում և Սիրիայում Իրանի կողմից աջակցվող խմբավորումների հարձակումներին:
Պենտագոնն ավելի վաղ հայտարարել էր ԱՄՆ-ից Մերձավոր Արևելք Patriot համակարգերի տեղափոխման մասին, սակայն չի հրապարակել դրանց թիվը կամ նպատակակետը, նշում է CNN-ը։
