Քաղաքականություն
08.11.2023 | 15:30
Պաղեստինի Կարմիր մահիկի ընկերակցությունը հայտարարել է, որ Իսրայելը պատասխանատու է երեքշաբթի Կարմիր Խաչի միջազգային կոմիտեի (ԿԽՄԿ) օգնության շարասյան վրա կրակի համար, գրում է CNN-ը։
«Այսօր Իսրայելի պաշտպանության բանակը թիրախավորել է ԿԽՄԿ-ի մարդասիրական շարասյունը Գազա քաղաքում»,- ասվում է ընկերակցության X-ի էջում գրառման մեջ:
ԿԽՄԿ-ն հայտնել էր, որ իր շարասյունը կրակի տակ է ընկել, սակայն մեղավորին չէր նշել։ Կարմիր խաչը նշում է, որ հարձակման արդյունքում երկու բեռնատար է վնասվել, իսկ վարորդը թեթև վնասվածքներ է ստացել:
CNN-ը դիմել է Իսրայելի պաշտպանության ուժերին, սակայն այստեղ չեն մեկնաբանել միջադեպը։
Իսրայելի պաշտպանության բանակը բազմիցս կոչ է արել խաղաղ բնակիչներին շարժվել Գազայից հարավ, քանի որ ուժեղացնում է իր հարձակումները ՀԱՄԱՍ-ի վրա Գազա քաղաքում և Գազայի հյուսիսում: Իսրայելը նշում է, որ ՀԱՄԱՍ-ը ներգրավված է նաև քաղաքացիական ենթակառուցվածքներում, և որ հարվածելու է ՀԱՄԱՍ-ին՝ «որտեղ անհրաժեշտ լինի»:
Էմմա Չոբանյան
