23.02.2026 | 20:00
Իրանի դեմ ԱՄՆ-ի ռազմական գործողությունների վտանգը մեծ է․ դիվանագիտական գործարքի շանսը նվազ է․ Արմեն Պետրոսյան․ ՏԵՍԱՆՅՈՒԹ
Ալիևը հայաթափված Ստեփանակերտում զորահանդես է անցկացրել
Քաղաքականություն
08.11.2023 | 11:55
Արցախի էթնիկ զտումից հետո Ադրբեջանի նախագահ Իլհամ Ալիևը հայաթափված Ստեփանակերտում զորահանդես է անցկացրել։ Ադրբեջանական լրատվամիջոցները գրում են, որ զորահանդեսին բացի Ալիևից ներկա են եղել նաև կինը՝ Մեհրիբան Ալիևան ու որդին՝ Հեյդար Ալիևը։
Հիշեցնենք, որ վաղը լրանում է 44-օրյա պատերազմի ավարտն ազդարարող եռակողմ հայտարարության ստորագրման 3 տարին։ Այդ պատերազմի հետևանքով Ադրբեջանը ռազմական ճանապարհով գրավեց զգալի տարածքներ Արցախից, իսկ այնուհետ ավելի քան 9 ամիս արցախահայությանը շրջափակման մեջ պահելուց հետո այս տարվա սեպտեմբերի 19-ին դիմեց ռազմական նոր սադրանքի, որի հետևանքով ԼՂ ՊԲ-ն զինաթափվեց, իսկ արցախցիները բռնի տեղահանվեցին։
Արցախի հայաթափումից հետո Ստեփանակերտում նման զորահանդես կազմակերպելով Բաքուն ցույց է տալիս, որ որևէ կերպ չի պատրաստվում պայմաններ ստեղծել ԼՂ-ից բռնի տեղահանված հայերի վերադարձի համար։
Էմմա Չոբանյան
