15.01.2026 | 14:43
Սոցիալական բնակարանային ֆոնդի զարգացումն ու արդիականացումը նախարարության առաջնահերթություններից է․ Արսեն Թորոսյան
ԱՄՆ-ն և Ղազախստանը ընդլայնում են իրենց ռազմավարական գործընկերության երկխոսությունը
Քաղաքականություն
08.11.2023 | 11:03
Աստանայում հանդիպել են Ղազախստանի արտաքին գործերի նախարարության և Պետդեպարտամենտի ներկայացուցիչներն ամենամյա ԱՄՆ-Ղազախստան ընդլայնված ռազմավարական գործընկերության (ESPD) շուրջ 5-րդ երկխոսության շրջանակներում: Կողմերը մտադիր են շարունակել խորհրդատվությունները պատժամիջոցների քաղաքականության շուրջ, գրում է VOA-ն։
Ղազախստանի ԱԳ նախարարի առաջին տեղակալ Կայրաթ Ումարովը և ԱՄՆ պետքարտուղարի Հարավային և Կենտրոնական Ասիայի հարցերով տեղակալ Դոնալդ Լուն քննարկել են քաղաքական և անվտանգային հարցեր, ներառյալ՝ տարածաշրջանային աշխարհաքաղաքականությունը, ահաբեկչության դեմ պայքարը, իրավապահ մարմինների համագործակցությունը, սինթետիկ թմրամիջոցների տարածման դեմ պայքարը, ինչպես նաև զանգվածային ոչնչացման զենքի չտարածման ոլորտում ԱՄՆ-ի և Ղազախստանի համագործակցության ուղիները։
Այս մասին ասվում է երեքշաբթի ԱՄՆ Պետքարտուղարության տարածած փաստաթղթում։
Դոնալդ Լուն վերահաստատել է Միացյալ Նահանգների անսասան աջակցությունը Ղազախստանի ինքնիշխանությանը, անկախությանը և տարածքային ամբողջականությանը։
