07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
ՌԴ-ում դատարանը սառեցրել է Utair-ի հայկական կապալառու ընկերության հաշիվները չմատակարարված շարժիչների համար
Քաղաքականություն
07.11.2023 | 16:52
ՌԴ Տյումենի մարզի արբիտրաժային դատարանը որոշել է կալանք դնել Utair ավիաընկերության կապալառու Aquila Technics ՍՊԸ-ի (Երևան, Հայաստան) հաշիվների վրա՝ գրեթե 176 միլիոն ռուբլու և 1,5 միլիոն դոլարի չափով չստացված շարժիչների հայցով, հաղորդվում է արբիտրաժային գործերի նյութերում, գրում է ՏԱՍՍ-ը։
Բացի այդ, Տյումենի մարզի արբիտրաժային դատարանը 2024 թվականի ապրիլի 2-ին կքննարկի Utair ավիաընկերության հայցը Aquila Technics ՍՊԸ-ից գրեթե 176 միլիոն ռուբլու չափով չստացված շարժիչների համար:
«Վարույթ ընդունել հայցադիմումը, գործով վարույթ հարուցել: Նախնական դատական նիստը նշանակել 2024 թվականի ապրիլի 2-ին, Մոսկվայի ժամանակով 10:00-ին, Տյումեն քաղաքում: Դատական նիստի համար նշանակել պահուստային ամսաթիվ՝ 2024 թվականի մայիսի 20-ը, Մոսկվայի ժամանակով 10:00-ին Տյումենում գործը քննելու համար»,- ասված է հաղորդագրության մեջ։
Նախկինում Utair-ը հայց էր ներկայացրել Տյումենի մարզի արբիտրաժային դատարան՝ Aquila Technics ՍՊԸ-ից գրեթե 176 միլիոն ռուբլի վերադարձնելու պահանջով՝ չստացված շարժիչների համար: Ըստ նյութերի՝ Utair-ը հայտարարել է, որ Aquila Technics ՍՊԸ-ն Տյումենի օդանավակայանին ավիաընկերության՝ այնտեղ գտնվող ինքնաթիռի համար շարժիչներ չի մատակարարել և գումարը չի վերադարձրել:
