15.01.2026 | 20:09
Զախարովան մեկնաբանել է Սոլովյովի հայտարարությունները
Վագիֆ Խաչատրյանը հայտարարել է, որ իրեն մեղավոր չի ճանաչում․ դատարանը հեռացել է խորհրդակցական սենյակ
Քաղաքականություն
07.11.2023 | 15:12
Բաքվում ընթացող Լաչինի միջանցքից առևանգված Վագիֆ Խաչատրյանի շինծու գործով դատական նիստում վերջինս հայտարարել է, որ իրեն մեղավոր չի ճանաչում։ Ադրբեջանական լրատվամիջոցների փոխանցմամբ՝ Խաչատրյանի փաստաբան Ռադմիլա Աբիլովան, իբր, դատական նիստում ունեցած ելույթում խնդրել է արդարացնել իր պաշտպանյալին։
Վագիֆ Խաչատրյանը նշել է, որ իրեն մեղավոր չի ճանաչում և դատարանին խնդրել է արդարացնել իրեն:
Դատավորները խորհրդակցական սենյակ են հեռացել՝ դատավճիռ կայացնելու և հրապարակելու։
Այսօր ավելի վաղ պետական մեղադրող Մեղադիս Սուլթանովը պահանջել էր Վագիֆ Խաչատրյանին 15 տարվա ազատազրկման դատապարտել։
Հիշեցնենք՝ Կարմիր Խաչի միջազգային կոմիտեի ուղեկցությամբ հուլիսի 29-ին բուժման նպատակով Արցախից Հայաստան տեղափոխվող Վագիֆ Խաչատրյանն առևանգվել էր Լաչինի միջանցքի ադրբեջանական ապօրինի անցակետից։ Այնուհետև Բաքուն նրան «զանգվածային սպանությունների» շինծու մեղադրանքներ է առաջադրել։
Էմմա Չոբանյան
