10.01.2025 | 23:14
ՊԵԿ նախագահն ընդունել է Հնդկաստանի դեսպանին
Ֆրանսիայում յոթ մարդ է տուժել ջրհեղեղների հետևանքով
Քաղաքականություն
07.11.2023 | 14:51
Ֆրանսիայի Պա-դե-Կալե դեպարտամենտում հեղեղումների հետևանքով յոթ մարդ է տուժել։ Այս մասին հայտնել է երկրի ներքին գործերի նախարար Ժերալդ Դարմանինը։
«Բարձր ալիքների և ջրհեղեղների վտանգի պատճառով Պա-դե-Կալեի հյուսիսում տեղակայված է 15 հազար հրշեջ: Նրանք գիշերն ավելի քան 600 կանչ են արձանագրել: Այս պահին յոթ մարդ վիրավոր է»,- նշել է նախարարը X-ում:
Նա բոլոր քաղաքացիներին կոչ է արել կատարել պրեֆեկտուրայի հրահանգները։
BFMTV-ի տվյալներով՝ բոլոր դպրոցները փակ են վարչության 36 համայնքներում, որոնք գտնվում են գետերի մոտ։
Météo-France ազգային օդերևութաբանական ծառայության տվյալներով էլ՝ Պա-դե-Կալե դեպարտամենտում երեքշաբթի մտցվել է կլիմայական տագնապի առավելագույն՝ «կարմիր» մակարդակ: Եվս վեց գերատեսչություններում սահմանվել է տագնապի բարձրացված՝ «նարնջագույն» մակարդակ, իսկ 16 գերատեսչությունների համար սահմանվել է բնական սպառնալիքի «դեղին» մակարդակ։
Անցյալ շաբաթ Ֆրանսիային հարվածեց Ciaran փոթորիկը: Արդյունքում մոտ 1,2 մլն մարդ մնացել է առանց էլեկտրականության, երեք մարդ զոհվել է, առնվազն 47-ը՝ վիրավորվել։
