23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Գազայում մարդկային կորուստների թիվը գերազանցել է 10,000-ը
Քաղաքականություն
07.11.2023 | 16:09
Գազայում ավելի քան 10,000 մարդ է զոհվել մեկ ամիս շարունակվող իսրայելա-պաղեստինյան զինված հակամարտության ընթացքում։ Այս մասին հայտնել է Պաղեստինի Առողջապահության նախարարությունը, գրում է CNN-ը։
Իսրայելի պաշտպանության բանակը նախօրեին հայտարարել էր, որ վերջին 24 ժամվա ընթացքում հարվածներ է հասցրել ՀԱՄԱՍ-ի հարյուրավոր օբյեկտներին և վերահսկողության տակ է վերցրել Գազայում գտնվող ռազմական համալիրը:
Նշվում է, որ դանդաղորեն վերականգնվում են կապի ծառայությունները Գազայի որոշ հատվածներում: Պաղեստինի Կարմիր մահիկի ընկերակցությունն էլ հայտնել է, որ միջին հաշվով օրական մոտ 30 մարդասիրական օգնություն տեղափոխող բեռնատարներ են անցնում սահմանով։ Այն դեռևս չի ներառում վառելիքի մատակարարումները:
Հավելենք, որ իսրայելական կողմը պատերազմ էր հայտարարել ՀԱՄԱՍ-ին այն բանից հետո, երբ հոկտեմբերի 7-ին զինյալ խմբավորումը հարձակում էր գործել՝ Իսրայելում սպանելով 1400 և առևանգելով ավելի քան 240 մարդու։
Էմմա Չոբանյան
