15.09.2026 | 17:56
Ըստ ՔԿ-ի՝ Տաթևի վարչական ղեկավար Գոռ Մինասյանը անասնապահին տարիներ շարունակ հարկադրել է անվճար աշխատել
ՄԱԿ-ի և ՀԱՊԿ-ի գլխավոր քարտուղարներն անվտանգության ռազմավարական ռիսկերի նվազեցման հարցեր են քննարկել
Քաղաքականություն
07.11.2023 | 17:37
ՀԱՊԿ գլխավոր քարտուղար Իմանգալի Տասմագամբետովը նախօրեին տեսակոնֆերանսի ձևաչափով զրույց է ունեցել ՄԱԿ-ի գլխավոր քատուղար Անտոնիո Գուտերեշի հետ։ Ըստ կառույցի տարածած հաղորդագրության՝ կողմերը քննարկել են ՀԱՊԿ քարտուղարության և ՄԱԿ-ի քարտուղարության փոխգործակցության հարցերի լայն շրջանակ։
Մասնավորապես, ընդգծվել է տարածաշրջանային կանխարգելիչ գործողությունների միջոցով անվտանգության ռազմավարական ռիսկերի նվազեցմանն ուղղված համակարգված միջազգային քայլերի կարևորությունը։
Ուշադրություն է դարձվել ՀԱՊԿ քարտուղարության աշխատանքային շփումների հետագա զարգացմանը ՄԱԿ-ի համապատասխան կառույցների հետ ահաբեկչության, թմրամիջոցների ապօրինի շրջանառության, միջսահմանային հանցագործությունների, անօրինական միգրացիայի, ինչպես նաև խաղաղապահության ոլորտում փոխգործակցության հարցերի շուրջ։ Զրույցի ընթացքում կարևորվել է նաև ահաբեկչական գաղափարախոսության և քարոզչության տարածման դեմ պայքարի և տեղեկատվական անվտանգության ոլորտում ջանքերի համատեղումը։
Կողմերը պայմանավորվել են շարունակել շփումները։
Էմմա Չոբանյան
