07.10.2026 | 17:17
Ռուբիոն հայտարարել է, որ Իրանը «լիովին կորցրել է վերահսկողությունը» Հորմուզի նեղուցի նկատմամբ
Թուրքիայի ԱԳՆ շենքի մոտ Բլինքենի այցի դեմ բողոքի ցույց է անցկացվում
Քաղաքականություն
06.11.2023 | 16:06
Մինչ ԱՄՆ պետքարտուղար Էնթոնի Բլինքենն Անկարայում բանակցություններ է անցկացնում Թուրքիայի արտաքին գործերի նախարար Հաքան Ֆիդանի հետ, երկրի ԱԳՆ շենքի մոտ բողոքի ցույց է անցկացվում։ Թուրքական Sabah-ի հաղորդմամբ՝ տարբեր հասարակական կազմակերպությունների ներկայացուցիչներ, քաղաքացիներ հավաքվել են ԱԳՆ-ի դիմաց և բողոքում են Բլինքենի այցի և Պաղեստինի դեմ ռազմական գործողություն իրականացնող Իսրայելի դեմ։
Պաստառներով և պաղեստինյան դրոշներով մարդիկ հայտարարել են, որ իրենց գործողությունները կշարունակվեն այնքան ժամանակ, քանի դեռ Բլինքենը չի հեռացել Անկարայից։
Տասնյակ մարդիկ Պաղեստինի և Թուրքիայի դրոշներով վանկարկել են «Մարդասպան Բլինքեն, հեռացի՛ր Թուրքիայից» կարգախոսը։
Ցուցարարների գործողություններին միջամտել է ոստիկանությունը։
Հավելենք, որ թուրքական տարբեր աղբյուրներ հայտնում են, որ Ֆիդանի և Բլինքենի բանակցություններն արդեն ավարտվել են, դրանք տևել են երկու ժամից ավելի։
Էմմա Չոբանյան
