24.06.2026 | 13:53
3 արծաթե և 1 բրոնզե մեդալ աշխարհագրության միջազգային 2-րդ բաց օլիմպիադայից
Մեծ Բրիտանիան դուրս կբերի Լիբանանում իր դեսպանատան աշխատակիցներից մի քանիսին
Քաղաքականություն
06.11.2023 | 16:43
Մեծ Բրիտանիայի ԱԳ նախարարությունը հայտնել է, որ ժամանակավորապես դուրս է բերում Լիբանանում իր դեսպանատան աշխատակիցների մի մասին: Դիվանագետների թիվը, որոնք կլքեն երկիրը, չի նշվում։
Գերատեսչությունը նաև խորհուրդ է տվել բրիտանացիներին զերծ մնալ Լիբանան ցանկացած ճանապարհորդությունից, իսկ այնտեղ գտնվող երկրի քաղաքացիները պետք է անհապաղ լքեն երկիրը: Reuters-ի փոխանցմամբ՝ նախազգուշացումն արվել է հարևան Իսրայելի և Գազայի հատվածի հակամարտության պատճառով։
Իսրայելի և ՀԱՄԱՍ-ի միջև պատերազմը շարունակվում է հոկտեմբերի 7-ից։ Իսրայելը հաղորդել է 1,4 հազար զոհի մասին, Պաղեստինը իր զոհերի թիվը գնահատում է 9,5 հազար:
Նոյեմբերի 1-ին ռազմական գործողությունների սկզբից ի վեր առաջին անգամ հարյուրավոր օտարերկրյա անձնագրեր ունեցողներ կարողացել են հեռանալ Գազայից Եգիպտոսի հետ սահմանին գտնվող «Ռաֆահ» անցակետով։ Իսրայելական բանակը հայտարարել է, որ դիրքեր է գրավել Գազայի ափի երկայնքով։
