24.06.2026 | 13:53
3 արծաթե և 1 բրոնզե մեդալ աշխարհագրության միջազգային 2-րդ բաց օլիմպիադայից
ՄԱԿ-ի գործակալություններն ու օգնության խմբերը համատեղ հայտարարությամբ Գազայում հրադադարի կոչ են անում
Քաղաքականություն
06.11.2023 | 15:51
ՄԱԿ-ի 18 գործակալությունների և օգնության խոշոր կազմակերպությունների ղեկավարները համատեղ հազվագյուտ հայտարարություն են տարածել՝ կոչ անելով «անհապաղ մարդասիրական հրադադար» հաստատել Իսրայելում և պաղեստինյան տարածքներում, գրում է CNN-ը։
«Արդեն 30 օր է։ Բավակա՛ն է։ Սա պետք է դադարեցվի հիմա»,- ասվում է հայտարարության մեջ, որը ստորագրել են Առողջապահության համաշխարհային կազմակերպության, ՅՈՒՆԻՍԵՖ-ի, CARE International-ի, Save the Children-ի, Պարենի համաշխարհային ծրագրի և ՄԱԿ-ի Մարդասիրական հարցերի համակարգման գրասենյակի (OCHA) ղեկավարները:
Նրանք հոկտեմբերի 7-ի ՀԱՄԱՍ-ի հարձակումն Իսրայելի վրա անվանել են «սարսափելի», նաև նշել, որ Գազայում խաղաղ բնակիչների սպանությունը «վրդովեցուցիչ է»։
«Մի ամբողջ բնակչություն պաշարված է և հարձակման է ենթարկվում, զրկված է գոյատևման համար անհրաժեշտ ապրանքներից օգտվելու հնարավորությունից, ռմբակոծվում են իրենց տներում, ապաստարաններում, հիվանդանոցներում և պաշտամունքի վայրերում: Սա անընդունելի է»,- ասվում է հայտարարության մեջ։
Հաղորդվում է նաև, որ ՄԱԿ-ը ևս զոհեր ունի։
Նշվում է, որ հոկտեմբերի 7-ից ի վեր զոհվել են օգնություն ցուցաբերող տասնյակ աշխատակիցներ, այդ թվում՝ UNRWA-ի 88 գործընկերներ, ինչը ՄԱԿ-ի անձնակազմի՝ երբևէ գրանցված զոհերի ամենամեծ թիվն է մեկ հակամարտության ընթացքում։
Էմմա Չոբանյան
