18.12.2025 | 23:24
ՀՀ տարածքում ավտոճանապարհները հիմնականում անցանելի են
Մոլդովայում իշխող կուսակցությունը պարտվում է ՏԻՄ ընտրություններում
Քաղաքականություն
06.11.2023 | 14:41
Մոլդովայում իշխող Գործողության և համերաշխության կուսակցությունը (ԳՀԿ) պարտվում է ՏԻՄ ընտրություններում։ Թեկնածուները պարտվում են 36 քաղաքներից 30-ի քաղաքապետի պաշտոնի համաև պայքարում։ Ըստ նախնական տվյալների՝ կուսակցությունը մեծամասնություն չի ստանա ոչ մի մարզային խորհրդում, գրում է Կոմերսանտը։
Քաղաքների մեծ մասում առաջատար են նախկին նախագահ Իգոր Դոդոնի սոցիալիստների կուսակցության, «Մեր կուսակցության» և ընդդիմադիր այլ միավորումների թեկնածուները։
Քիշնևում նախնական հաղթում է գործող քաղաքապետ Իոն Սեբանը (Ազգային այլընտրանքային շարժում), որը ստանում է ձայների 51,2%-ը։
Իշխող կուսակցության թեկնածու Լիլիան Կարպը հավաքել է 27,9%: Մեծությամբ երկրորդ Բալթի քաղաքում իշխող կուսակցության թեկնածուն զբաղեցնում է չորրորդ տեղը։
Երկրորդ փուլում քաղաքապետի աթոռի համար կպայքարեն «Մեր կուսակցության» թեկնածու Ալեքսանդր Պետկովը (22,7%) և անկախ թեկնածու Արինա Կորշիկովան (21,5%)։
