10.08.2026 | 18:29
Ուկրաինայի դատարանը փոխել է Զելենսկիի գրասենյակի նախկին ղեկավարի խափանման միջոցը․ նրան թույլատրվել է այցելել մի քանի մարզեր
Հայաստանի և Ռումինիայի միջև կրթության ոլորտում համագործակցության ծրագիր է ստորագրվել
Հասարակություն
26.07.2018 | 14:56
Ռումինիայում Հայաստանի Հանրապետության դեսպան Սերգեյ Մինասյանը և Ռումինիայի Ազգային կրթության նախարար Վալենտին Պոպան ստորագրել են Հայաստանի Հանրապետության կրթության և գիտության նախարարության ու Ռումինիայի ազգային կրթության նախարարության միջև կրթության ոլորտում համագործակցության մասին ծրագիրը:
Ծրագրով նախատեսվում է իրականացնել կրթության ոլորտում փորձի, կրթական համակարգերի կառուցվածքի, բովանդակության և կազմակերպման վերաբերյալ տեղեկատվության փոխանակում, կազմակերպել փորձագետների փոխանակում, ընդհանուր հետաքրքրություն ներկայացնող բնագավառներում ծրագրերի իրագործում, խրախուսել հիմնական և ավագ դպրոցների միջև համագործակցությունը, ինչպես նաև խրախուսել բարձրագույն ուսումնական հաստատությունների միջև ուղղակի համագործակցությունը:
Ստորագրման արարողությանը հետևած հանդիպման ընթացքում կողմերը քննարկել են նաև գիտական և համալսարանական շրջանակների հետագա համագործակցությունը խորացնելու հնարավորությունները:
